ხელვაჩაურში მშენებარე სახლის ჩამოშლის შედეგად 4 მუშა დაშავდა. ამის შესახებ ინფორმაციას საგანგებო სიტუაციების მართვის სამსახური ავრცელებს. როგორც უწყებაში ამბობენ, ოთხივე მათგანი საავადმყოფოშია გადაყვანილი და მათ სიცოცხლეს საფრთხე არ ემუქრება.

როგორც შინაგან საქმეთა სამინისტროში On.ge-ს განუცხადეს, საქმეზე გამოძიება საქართველოს სისხლის სამართლის კოდექსის 240-ე მუხლით მიმდინარეობს. ეს მუხლი გულისხმობს სამშენებლო ან სხვა სამუშაოს წარმოებისას უსაფრთხოების წესის დარღვევას და ისჯება თავისუფლების აღკვეთით ორიდან ხუთ წლამდე ვადით.