საგანგებო სიტუაციების მართვის უკვე ყოფილი ხელმძღვანელის, გიორგი მღებრიშვილის თქმით, დაკავებული თანამდებობა თავისივე სურვილით დატოვა. ამის შესახებ ის იმედს ესაუბრა.

"ძალიან ბევრი ინტერპრეტაცია მოვისმინე და ძალიან ბევრი სასაცილო ინტერპრეტაციაც. სრული პასუხისმგებლობით გეუბნებით, რომ მე მივმართე პრემიერს თხოვნით გავეთავისუფლებინე დაკავებული თანამდებობიდან. არაც თხოვნა ყოფილა და არც მოთხოვნა. ჩემი თხოვნა იყო პრემიერისადმი. მივიღე ეს გადაწყვეტილება, რადგან დაახლოებით 22 წელია საჯარო სამსახურში ვმუშაობ, ვფიქრობ, დროა, ჩემი ცხოვრების ნაწილი მცირეწლოვან შვილებსაც დავუთმო", - თქვა მღებრიშვილმა.

საგანგებო სიტუაციების მართვის სამსახურის ინფორმაციით, მღებრიშვილმა თანამდებობა გუშინ, 20 ივლისს დატოვა. ამ თანამდებობაზე ის 2017 წლის 13 ნოემბრიდან მუშაობდა. მანამდე კი შინაგან საქმეთა მინისტრის თანამდებობა ეკავა.