გრეის ანატომიის ყოფილმა ვარსკვლავმა, სანდრა ომ სერიალში Killing Eve შესრულებული როლისთვის ემის ნომინაცია მიიღო.

სანდრამ სერიალში ბრწყინვალედ ითამაშა და რა თქმა უნდა ეს ნომინაციაც დაიმსახურა, თუმცა ეს ნამდვილად არ არის ერთი რიგითი ნომინაცია. სანდრა გახდა პირველი აზიელი ქალი, რომელიც საუკეთესო მსახიობი ქალის ნომინაციაზე წარადგინეს დრამატული სერიალის კატეგორიაში. დიახ, ემის 70-წლიან ისტორიაში, არასდროს არც ერთი აზიური წარმომავლობის მსახიობი არ მოხვედრილა ამ კატეგორიაში.

ეს ამბავი ყურადღების გარეშე არ დაუტოვებიათ სანდრას დიდი ხნის მეგობრებსა და კოლეგებს გრეის ანატომიიდან და ეს დიდებული მომენტი მასთან ერთად გაიზიარეს.

არ გაგიკვირდებათ თუ ვიტყვით, რომ პირველი მილოცვა სანდრას მეგობარს, ელენ პომპეოს ეკუთვნოდა.

"დიახ!!! ძალიან ბედნიერი ვარ სანდრას გამო, რომელმაც ეს [ემი] იმაზე მეტად ეკუთვნის, ვიდრე ყველა სხვა დანარჩეს", - წერს ელენ პომპეო.

სანდრას ნომინაციას გამოეხმაურა ალექს კარევის როლის შემსრულებელი ჯასტინ ჩემბერსიც, რომელმაც მართალია მხოლოდ ამ ამბის შესახებ დაწერილი ნიუსი გააზიარა, მაგრამ თუ მის აქტიურობას გავითვალისწინებთ სოციალურ ქსელებში, შეგვიძლია ვთქვათ, რომ ეს მისი მხრიდან უდიდესი ნაბიჯია.

სამაგიეროდ, ერთი მილოცვით არ შემოიფარგლა ელენ პომპეო და მეგობრის მისამართით საქებარი სიტყვები არ დაიშურა.

"ერთი სული მაქვს როფის მოვისმენ შენ სიტყვას გამარჯვების შემდეგ, რომელიც ბევრს გვატირებს და ასევე გვაცინებს, ამაში დარწმუნებული ვარ"

უყურადღებობ არ დაუტოვებია ეს ისტორიული მომენტი კევინ მაკკიდს

"შესანიშნავია! მიყვარხარ!"

სანდრა ოს ინსტაგრამიდან მიულოცა იზი სტივენსის როლის შემსრულებელმა

"უბედნიერესი ვარ იმით, რომ ჩემი ძველი კოლეგა და მეგობარი სანდრა ო ემის ნომინანტთა სიაში მოხვდა. მან ეს ნამდვილად დაიმსახურა იმ არაჩვეულებრივი როლისთვის, რომელიც ჩემს ახალ ფავორიტ სერიალში შეასრულა. გილოცავ ჩემო ძველო მეგობარი!", - წერს სანდრა ო.

და ვინ თუ არა შონდა რაიმსი? რა თქმა უნდა სანდრა ო ყურადღების გარეშე არც მას და არც მისმა კომპანიას დაუტოვებია.

"შონდალენდში ლამაზი დღე გათენდა! ჩვენ უბედნიერესები ვართ სანდრა ოს გამო, რომელმაც ისტორია შექმნა და გახდა პირველი აზიელი ქალი, რომელმაც ეს ნომინაცია მიიღო"

ამ საყოველთაო აღფრთოვანებას ჩვენც ვუერთდებით და ამ არაჩვეულებრივ მსახიობს ვულოცავთ ემის ისტორიულ ნომინაციას!