Independent-ის ინფორმაციით, ოლიმპიური თამაშების დაწყებამდე სულ რამდენიმე დღე რჩება და რიო დე ჟანეიროს წყლები საშინლად ბინძურია. როგორც The Asociated Press-ის თექვსმეტ თვიანი კვლევის შედეგები აჩვენებს, მდინარეებში გავრცელებულია სიცოცხლისთვის საშიში ბაქტერიები და ვირუსები. ამასთან, წყლებში საკანალიზაციო არხები ჩაედინება.

ცნობილია, რომ წყლის შეჯიბრებებში ათას ოთხასამდე სპორტსმენი იღებს მონაწილეობას. თუმცა, საფრთხე ემუქრებათ ასევე ტურისტებსაც, რომლებიც ოქროს პლაჟებს ეწვევიან.

კვლევის შედეგების თანახმად, მოცურავეები სამი ყლუპი წლის ჩაყლაპვის შემთხვევაშიც კი შეიძლება დაავადნენ როგორც კუჭის, ასევე რესპირატიული დაავადებებით. არის გულისა და ტვინის ანთებების განვითარების მაღალი შანსიც. რა თქმა უნდა, ეს ყველაფერი ინდივიდუალურ იმუნურ სისტემაზეა დამოკიდებული.

პირველად AP-მა კვლევის შედეგები ივნისში გამოაქვეყნა, რის შემდეგაც სპორტსმენებმა გადაწყვიტეს ისეთ ზომებისთვის მიემართათ, რითაც რისკს თავიდან აირიდებდნენ. ისინი აპირებენ ანტიბიოტიკების მიღებას და ხელთათმანების ჩაცმას, რითაც წყალთან შეხებას შეზღუდავენ. თუმცა ანტიბიოტიკებით მხოლოდ ბაქტერიებს შეიძლება შეებრძოლონ, ვირუსებზე ეს არ მოქმედებს.

სამხრეთ ფლორიდის უნივერსიტეტის ბიოლოგიური დეპარტამენტის თავმჯდომარე, ვალერი ჰარვუდი აცხადებს, რომ წყალში ინფექციური ადენოვუირუსების რაოდენობა პროცენტულად ძალიან მაღალია. რადგანაც სპორტსმენებმა ასე თუ ისე ზომებს მიმართეს, ის ტურისტებს ურჩევს, რომ არ ჩაყვინთონ წყალში, რადგან ვირუსები წყალქვეშ უფრო გავრცელებული.

რიოს მერმა ედუარდო პაესმა აღიარა მარცხი და დადო პირობა, რომ სპორტსმენებისთვის წყალი უსაფრთხო იქნება.