პატრიოტთა ალიანსის ლიდერმა ირმა ინაშვილმა პარლამენტში მთავრობის განახლებული შემადგენლობის მოსმენის შემდეგ ქსენოფობიური, კონკრეტულად კი თურქოფობიური განცხადება გაავრცელა.

მისი თქმით, არაქართულენოვან სკოლებში მოსწავლეებს თურქული პროპაგანდის პირობებში ზრდიან.

"აჭარის რეგიონში ყურანცენტრების გახსნის ტენდენციას ყურადღება უნდა მივაქციოთ. სწორედ ამ ყურანცენტრებში და თურქულ სკოლებში მსმენელებს თურქული პროპაგანდისა და თურქული პოლიტიკის ზეგავლენის ქვეშ სწავლა. ჩვენი მიზანია, წინა პლანზე წამოვწიოთ ეროვნული განათლება", - განაცხადა ირმა ინაშვილმა.

მისი ინიციატივით, დამუშავდეს და განათლების სისტემაში დამკვიდრდეს საგანი სახელწოდებით ეროვნული ცნობიერება.

ასევე, მან ეროვნული მნიშვნელობის პრობლემად საქართველოში უცხოელი გიდები დაასახელა. ირმა ინაშვილის თქმით, ისინი საქართველოს შესახებ არასწორი ინფორმაციას ავრცელებენ.

"მინდა ყურადღება მიაქციოთ კიდევ ერთ საფრთხეს. ტურიზმის სფეროს. მე შევესწარი ფაქტს, რომ ირანელი გიდი უხსნის ტურისტებს, რომ თბილისი არის ირანული ქალაქი და თავის დროზე ის წაართვეს", - განაცხადა ირმა ინაშვილი.

საილუსტრაციოდ გთავაზობთ ვიდეოს: