საქართველოს ყოფილი პრემიერის, გიორგი კვირიკაშვილის თქმით, მან საჯარო აქტივობა დაამთავრა და პოლიტიკიდან წავიდა. ამის შესახებ მან სვეტიცხოვლის ეზოში განაცხადა.

"რა პოლიტიკაზე მესაუბრებით, დღესასწაულზე ვარ მოსული, კომენტარს აღარ გავაკეთებ. საჯარო აქტივობა დავასრულე... პარტიიდან წავედი", - აღნიშნა ყოფილმა პრემიერმა.

გიორგი კვირიკაშვილი პრემიერის თანამდებობიდან 13 ივნისს გადადგა. მას შემდეგ ის მედიასთან პირველად გამოჩნდა.