იუსტიციის მინისტრმა, თეა წულუკიანმა განმარტა, რომ მთავარი პროკურორის კანდიდატურის არჩევის კენჭისყრაში მონაწილეობა არ მიიღო, რადგან სურდა, რომ პროფესიულ წრეებს დაენახავთ, როგორ მუშაობდა საბჭო მისი მონაწილეობის გარეშე.

საპროკურორო საბჭომ დღეს, 11 ივლისს მთავრობისთვის წარსადგენ მთავარი პროკურორის კანდიდატად შალვა თადუმაძე ერთსულოვნად აირჩია.

თეა წულუკიანი ესწრებოდა კანდიდატების, შალვა თადუმაძისა და ნინო გოგნიაშვილის გასაუბრებას, თუმცა კითხვები არ დაუსვამს. მან, ასევე, განმარტა, რომ შალვა შავგულიძის მიერ კანდიდატურის მოხსნა მისთვის სამწუხაროა. შავგულიძემ კანდიდატურა მას შემდეგ მოხსნა, რაც საბჭომ ოთო კახიძის ინიციატივას მედიისთვის საბჭოს სხდომის გახსნის შესახებ მხარი არ დაუჭირა.

"გამიჩნდა კითხვა, როდესაც პოლიტიკური პარტია და ადეიშვილის მოადგილე [ოთო კახიძე] აყენებს კნაიდტურად შალვა შავგულიძეს, ირინა ენუქიძეს ადვოკატს, ჩემს ყოფილ თანამებრძოლს და შალვა შავგულიძე ხსნის თავის კანდიდტურას ადეიშვილის მოადგილის კონსულტაციის საფუძველზე, ეს რა შეიძლება იყოს თუ არა სამწუხარო და დასანანი", - განაცხადა იუსტიციის მინისტრმა.