ინტერპოლით ძებნილ პირს, რომელიც ზაზა სარალიძის მხარდამჭერ აქციაზე პარლამენტის წინ დააკავეს, პოლიციამ დაკავებამდე რამდენიმე დღით ადრე 500-ლარიანი ჯარიმა გამოუწერა. ამის შესახებ ინფორმაცია რუსთავი 2-მა გაავრცელა.

ბესლან ლორსანოვი წითელ ხიდთან დაუმორჩილებლობისათვის დაჯარიმდა. ლორსანოვი მაშინ სამართალდამცველებს არ დაუკავებიათ იმის მიუხედავად, რომ მას ყაზახეთი ინტერპოლის წითელი ცირკულარით ეძებდა. აქციაზე დაკავების შემდეგ კი შსს-მ განაცხადა, რომ ლორსანოვს 7 წელია ეძებენ და ის განსაკუთრებით საშიში დამნაშავეა.

On.ge დაინტერესდა, რატომ ვერ შეძლო შსს-მ ლორსანოვის იდენტიფიცირება ჯარიმის გამოწერის დროს, თუ წითელი ცირკულარით იძებნებოდა. On.ge შსს-სგან პასუხს ამ დრომდე ელოდება.