სამების საკათედრო ტაძარში ჩვილი მიატოვეს. შემთხვევა დღეს, 9 ივლისს, რამდენიმე საათის წინ მოხდა. ბავშვი მესანთლემ აღმოაჩნია, რომელმაც შემდეგ სასწრაფო-სამედიცინო დახმარება გამოიძახა.

ჩვილი იაშვილის ბავშვთა კლინიკაში გადაიყვანეს. მეურვეობა-მზრუნველობისა და სოციალური პროგრამების დეპარტამენტის უფროსი, მარი წერეთელი ჟურნალისტებთან საუბრისას ამბობს, რომ ადგილზე მისულია სოციალური მუშაკი:

"პირველადი მონაცემებით ბავშვის მდგომარეობა დამაკმაყოფილებელია. შემდეგ პოლიციასთან ერთად დავიწყებთ მუშაობას ოჯახის მოძიებაზე. დაიწყება ოჯახის შეფასება. ბავშვი იქნება კლინიკაში მანამ, სანამ მისი ჯანმრთელობის მდგომარეობა მოითხოვს ამას".