ლაგოდეხის სოფელ ცოდნისკარში ხიდი ჩაინგრა, რასაც სამი ადამიანის დაშავება მოჰყვა. ინფორმაციას რუსთავი 2 ავრცელებს.

შემთხვევა გუშინ საღამოს მოხდა, როდესაც საზამთროებით დატვირთული მანქანის სიმძიმეს ამორტიზებულმა ხიდმა ვერ გაუძლო.

თვითმხილველების თქმით, მიკროავტობუსი 5 მეტრის სიმაღლიდან გადავარდა ხევში. ხიდს კი წყალდიდობების შედეგად საყრდენი ჰქონდა გამოცლილი.

რუსთავი 2-ის ინფორმაციით, დაშავებულებს მცირე დაზიანებები აქვთ და მათ ლაგოდეხის რაიონულ საავადმყოფოში მკურნალობენ.