გოლდენ სტეიტის ყოფილი ცენტრი ზაზა ფაჩულია კარიერას დეტროიტ პისტონსში გააგრძელებს.

NBA-ის 2-გზის ჩემპიონი დეტროიტელებს 1-წლიან კონტრაქტზე შეუთანხმდა და ამ ხნის განმავლობაში 2.4 მილიონ დოლარს მიიღებს.

ბოლო სეზონში ფაჩულია საშუალოდ 5.4 ქულასა და 4.7 მოხსნას აგროვებდა. ასევე ბოლო სეზონის პლეიოფში იგი ოკლენდელთა სასტარტო ხუთეულის ნაწილი აღარ იყო და ცხადი ხდებოდა, რომ გოლდენ სტეიტი მის შენარჩუნებას არ ეცდებოდა.

დეტროიტში ბიგმენების პოზიციებზე ბლეიკ გრიფინი და ანდრე დრამონდი თამაშობენ, ფაჩულია კი სათადარიგოთა სკამიდან ეცდება მათ დახმარებას.