სამსახურებრივი უფლებამოსილების ბოროტად გამოყენების ბრალდებით სახელმწიფო უსაფრთხოების სამსახურმა ორი პირი დააკავა. უწყების ცნობით, დაკავებულები გარემოსდაცვითი ზედამხედველობის თანამშრომლები იყვნენ და არ ამხილეს უკანონო ქმედებაში ორი კომპანიის წარმომადგენლები, რომლებიც ოზურგეთის მუნიციპალიტეტში, მდინარე ნატანების კალაპოტში მუშაობდნენ და მოიპოვებდნენ დიდი ოდენობით ქვა-ღორღის ინერტულ მასალას.

სუს-ში ამბობენ, რომ საქმეზე გამოძიება სამსახურებრივი უფლებამოსილების ბოროტად გამოყენების ფატქზე, საქართველოს სისხლის სამართლის კოდექსის 332-ე მუხლის 1-ლი ნაწილით მიმდინარეობს. ეს მუხლი ითვალისწინებს თავისუფლების აღკვეთას სამ წლამდე ვადით.