საქართველოს პრემიერ-მინისტრის მამუკა ბახტაძის თქმით, სოფელ ჭუბერში სტიქია არა მხოლოდ წყალმა, არამედ ხეების არასისტემურმა ჭრამაც გამოიწვია. ეს განცხადება ბახტაძემ სოფელ ჭუბერში, სტიქიის ზონაში განაცხადა.

"ვინც ამით იყო დაკავებული, იმ ხალხსაც აუცილებლად მივხედავთ", - ამბობს ბახტაძე.

პრემიერ-მინისტრის თქმით, იმისთვის, რომ დროულად მოხდეს სტიქიის პრევენცია, მომავალი წლიდან საქართველოს მთელ ტერიტორიაზე დაყენდება სწრაფი შეტყობინების სისტემები.

5 ივლისს უხვი ნალექის შედეგად სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარე სამყაროს მოწყვიტა, უხვმა ნალექმა ჩამორეცხა სოფლებს შორის დამაკავშირებელი საავტომობილო გზები.