Ekhokavkaza-ს ინფორმაციით, ერევნის ოპოზიციური მოძრაობა, დამფუძნებელთა პარლამენტი ამბობს, რომ მათი გუნდის ერთ-ერთი წევრი, რომელსაც ერევნის თავისუფლების მოედანზე მიტინგისთვის განკუთვნილი ტექნიკა საკუთარი ავტომობილით გადაჰქონდა, სამართალდამცავებმა პოლიციაში გადაიყვანეს:

"ერთ-ერთი პოლიციელი თავად დაჯდა საჭესთან და ტექნიკიანად წავიდა".

ადგილობრივ რადიოს ცნობით კი, დაკავებული აქტივისტის საცხოვრებელ ბინაში გუშინ ჩხრეკაც ჩატარდა.

გარდა ამისა, შეიარაღებულ თავდამსხმელებს პოლიციის შენობაში რამდენიმე დღეა მძევლად ის ექიმები ჰყავთ აყვანილი, რომლებიც შენობაში დაჭრილებისათვის სამედიცინო დახმარების გასაწევად შევიდნენ. როგორც ადგილობრივი გენერალური პროკურორი, გევორკ კოსტანიანი განმარტავს, გარუკვეველია, რეალურადდ აღნიშნულ ექიმები მძევლები არიან თუ არა, რადგან არ არის ცობილი, ისინი შენობაში საკუთარი ნების საწინააღმდეგოდ იმყოფებიან თუ არა.

28 ივლისს, ღამით, ერევნის ცენტრში შეიარაღებული თავდამსხმელების მხარდასაჭერი მიტინგი მსვლელობაში გადაიზარდა. აქციის მონაწილეებმა ერევნის ქუჩებიც გადაკეტეს. მოგვიანებით ისინი დაიშალნენ, თუმცა აქციების გამართვას პერმანენტულ რეჟიმში გეგმავენ,

აღნიშნულმა მომიტინგეებმა ხელისუფლებას რიგი მოთხოვნები წაუყენეს, მათ შორისაა სომხეთის პრეზიდენტის, სერჟ სარგისიანის გადადგომა და პოლიციელების მიერ დაკავებული პირების გათავისუფლება. გუშინდელი დღიდან პოლიციის მიმდებარე ტერიტორიაზე სამართალდამცავებმა დამატებითი ძალების მობილიზება მოახდინეს.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. ისინი ასევე მოითხოვენ სომხეთის პრეზიდენტის, სერჟ სარგისიანის გადადგომასა და ხელისუფლების ცვლილებას.

სომხეთში მიმდინარე მოვლენების შესახებ დეტალურ ინფორმაციას შეგიძლიათ გაეცნოთ აქ: