უამრავი ჩვენგანისთვის, ოფისში ყველაზე დიდი საშინელებათა ისტორია მაშინ ვითარდება, როცა უსინდისო თანამშრომელი დილით მაცივარში შენახულ სენდვიჩს შეგისანსლავს, თუმცა გერმანიაში მომხდარ ამბავთან შედარებით, ეს და თვით სტივენ კინგის ნათებაც ახლოსაც ვერ მოვა.

ABC-ის მიხედვით, გერმანიაში კაცს 21 თანამშრომლის ფატალური მოწამვლა ედება ბრალად.

56 წლის კაცის მიმართ, ეჭვი მას შემდეგ გაჩნდა, რაც 26 წლის თანამშრომელმა უცნაური თეთრი პუდრი დაინახა თავის სენდვიჩზე და ამ თემაზე მენეჯერს მიმართა. კომპანიამ ინციდენტის გამოსაძიებლად სამზარეულოში ფარული კამერა დააყენა.

დაკვირვებამ აჩვენა, რომ 56 წლის კაცი თანამშრომლების ლანჩის ყუთებს ხსნიდა და მათ პუდრს აყრიდა, რომელიც ტყვიის აცეტატს შეიცავდა და სხვადასხვა ორგანოებისთვის ზიანის მიყენება შეეძლო.

"თავდაპირველად, ვიფიქრეთ, რომ ეს თანამშრომლებს შორის პრანკების სერიის გაგრძელება იყო და არა მკვლელობის მცდელობა", - განაცხადა კომპანიის მენეჯერმა.

გამოძიება დაწყებულია და მისი მთავარი კითხვაა, რა იყო თანამშრომლების მკვლელობის მცდელობის მთავარი მოტივი. პოლიციამ ბრალდებულის სახლში ქიმიური ნივთიერებები აღმოაჩინა, რომლებიც საწამლავად გამოიყენებოდა. ეჭვმიტანილი აღნიშნულ კომპანიაში 38 წლის განმავლობაში მუშაობდა და მას ბრალად ედება 21 თანამშრომლის მკვლელობა, რომლებიც 2000 წლის შემდეგ, საეჭვო და გაურკვეველ ვითარებაში იღუპებოდნენ.