NDI-ის კითხვაზე, რომელ პარტიას არ მისცემდით ხმას არასოდეს, გამოკითხულთა 21% ერთიან ნაციონალურ მოძრაობას ასახელებს. კითხვაზე პასუხი არ აქვს 22%-ს, ქართული ოცნება - დემოკრატიული საქართველო კი 19%-მა დაასახელა.

NDI-ის რესპონდენტთა 15% მიიჩნევს, რომ არ არსებობს ისეთი პარტია, რომელსაც ხმას არ მისცემდა, 6%-მა უარი განაცხადა პასუხზე.

გამოკითხულთა 4% კი ხმას არასოდეს მისცემდა ლეიბორისტებს, გამოკითხულთა იგივე რაოდენობა ასახელებს გაერთიანებულ დემოკრატიულ მოძრაობას, 2% - პატრიოტთა ალიანსს, 2% - რესპუბლიკურ პარტიას, 1%- ში კი მოიაზრებიან სხვადასხვა პარტიები, მათ შორის მრეწველები, თავისუფალი საქართველო, ქართული დასი, გირჩი, სახელმწიფო ხალხისთვის, თავისუფალი დემოკრატები, ქართული პარტია, ეროვნული ფორუმი, მემარცხენე ალიანსი და ახალი მემარჯვენეები.

NDI-ის კვლევის საველე სამუშაოები CRRC- საქართველომ ჩაატარა 2016 წლის 8 ივნისიდან 6 ივლისის პერიოდში. სულ მომზადდა 4 113 დასრულებული ინტერვიუ. განხორციელდა წარმომადგენლობითი შერჩევა ქვეყნის მასშტაბით, ამასთან, დამატებითი წარმომადგენლობითი შერჩევა თბილისში, ქალაქისა და სოფლის ტიპის დასახლებებში, ეროვნული უმცირესობებით მჭიდროდ დასახლებულ რეგიონებში. კვლევის საშუალო ცდომილების ზღვარი არის +/- 2,1%.