პრემიერმინისტრმა, გიორგი კვირიკაშვილმა თინა ხიდაშელის განცხადება თანამდებობიდან გათავისუფლების შესახებ დააკმაყოფილა. მან ასევე ხელი მოაწერა შერიგებისა და სამოქალაქო თანასწორობის სახელმწიფო მინისტრის, პაატა ზაქარეიშვილის თანამდებობიდან წასვლის განცხადებასაც. ახლა კვირიკაშვილმა აღნიშნულ პოსტებზე ახალი მინისტრები უნდა დანიშნოს.

ცნობილია, რომ დღეს ასევე გაიმართება ქართული ოცნების პოლიტსაბჭოს სხდომა, რომელზეც, კურიერის ინფორმაციით, მინისტრობის კანდიდატების შესახებ იმსჯელებენ.

ხიდაშელმა პრემიერმინისტრს გათავისუფლების შესახებ განცხადებით დღეს მას შემდეგ მიმართა, რაც 12 ივლისს რესპუბლიკური პარტიის საგანგებო ბრიფინგზე, პარლამენტის თავჯდომარემ, დავით უსუფაშვილმა განაცხადა, რომ თავდაცვის მინისტრი თანამდებობას ტოვებდა. მოგვიანებით ხიდაშელმა განმარტა, რომ ის პრემიერმინისტრს შეხვდა, რის შედეგადაც ისინი კონკრეტულ თარიღებზე შეთანხმდნენ.

12 ივლისს კი რესპუბლიკელებმა უსუფაშვილი - რესპუბლიკელები - ამ სახელწოდებით დაიწყეს წინასაარჩევნო კამპანია, რომლის სიის პირველი ნომერი პარლამენტის მოქმედი თავმჯდომარე, დავით უსუფაშვილი იქნება.