ტესა ტომპსონმა საჯაროდ განაცხადა, რომ ქალებიც მოსწონს და კაცებიც. ტესას ფანებმა იმ ჭორის ირიბ დადასტურებად მიიღეს, რომლის თანახმადაც, Marvel-ის სუპერგმირი და მომღერალი Monae ერთად არიან.

ტომპსონმა ბოლო ინტერვიუში საკუთარ მშობლებზეც ისაუბრა: "ხანდახან საკმარისად ვერ ვაფასებ, როგორ გამიმართლა. ჩემი ოჯახი სულ მეუბნებოდა, რომ ვინც მინდა, ის შემიძლია ვიყო. მათთვის სულ ერთია, ვის მივიყვან სახლში, ქალს თუ კაცს. ამაზე კითხვასაც კი არასდროს დამისვამენ".

რაც შეეხება Monae-ს: მომღერალი ცოტა ხნის წინ Rolling Stone-ის გარეკანს ამშვენებდა. ინტერვიუში მან თქვა, რომ ბისექსუალი და პანსექსუალია.

ტესა ტომპსონი Monae-ს ორ ვიდეოკლიპში [Make Me Feel და Pynk] მონაწილეობს და ორივეგან მის სასიყვარულო ინტერესს განასახიერებს.

ამბობენ, რომ მარველის კინოსამყაროს გმირი ვალკირია, რომლის როლსაც ტესა განასახიერებს, ასევე ლგბტ პერსონაჟია.