საგადასახადო კოდექსში დაგეგმილი ცვლილების თანახმად, დაახლოებით 30 ათას კერძო კომპანიას, ჯამურად 550 მილიონი ლარის ოდენობის საგადასახადო დავალიანება ჩამოეწერება. დღეს, 29 ივნისის მთავრობის სხდომის შემდეგ, ფინანსთა მინისტრმა, ნიკოლოზ გაგუამ ჟურნალისტებთან განმარტა, რომ ეს არის ის დავალიანება, რომელიც წარმოიშვა 2011 და 2012 წლებში:

"ხშირ შემთხვევაში აღნიშნული დავალიანება ამ კომპანიების გაჩერების მიზეზი იყო".

საგადასახადო დავალიანების ჩამოწერის შესახებ მამუკა ბახტაძემ ჯერ კიდევ პრემიერ-მინისტრობის კანდიდატად დასახელების დროს განაცხადა.