მაიკლისა და ჯანეტ ჯექსონების მამა ჯოზეფ ჯო ჯექსონი 89 წლის ასაკში გარდაიცვალა, მას პანკრეასის სიმსივნე ჰქონდა. ინფორმაცია CNN-ს ოჯახის ახლობელმა დაუდასტურა.

ჯექსონების მამა ლას ვეგასის საავადმყოფოში გარდაიცვალა. ჯენეტისა და მაიკლის გარდა, მას კიდევ 9 შვილი ჰყავდა.

ჯექსონების მუსიკალური ოჯახის მამა მაიკლისა და ჯენეტის მენეჯერიც იყო. მან შექმნა გუნდი, The Jackson 5, რომელშიც მისი სხვა შვილებიც მღეროდნენ.

სიკვდილამდე რამდენიმე დღით ადრე, ჯექსონის ტვიტერზე გამოქვეყნებულ ბოლო პოსტში ვკითხულობთ:

"იმაზე მეტი მზის ჩასვლა ვნახე, ვიდრე აწი უნდა ვნახო. მზე დროულად ამოდის და მოგწონთ თუ არა, მისი ჩასვლის დროც დგება"