შიდა ქართლის საინფორმაციო ცენტრის ინფორმაციით, პარლამენტის საფინანსო-საბიუჯეტო კომიტეტის თავმჯდომარემ თამაზ მეჭიაურმა დუმის დეპუტატს იგორ მოროზოვს გამყოფი ხაზის მიმდებარე სოფლები დაათვალიერებინა. მათივე ინფორმაციით, ისინი გუშინ 26 ივლისს, მეჯვრისხევსა და ჯარიაშენს ესტუმრნენ.

შიდა ქართლის საინფორმაციო ცენტრი რუსული საინფორმაციო სააგენტოებზე დაყრდნობით წერს, რომ მეჭიაურმა დუმის დეპუტატები მოსკოვში ვიზიტის დროს დაპატიჟა.

საქართველოს პარლამენტის წევრის განცხადებით, დიპლომატიური ურთიერთობა ორ ქვეყანას შორის კონფლიქტის მოგვარებას ხელს შეუწყობს.

Qartli.ge-ს სტატიაში ასევე მოყვანილია მეჭიაურის ციტატა, რაზეც რუს ჟურნალისტებთან საუბრისას ისაუბრა:

"მე ვთხოვე, (სახელმწიფო სათათბიროს დეპუტატს) მოვიდეს და გაეცნოს კონფლიქტის ზონაში მოსახლეობას, შეხვდეს როგორც ერთ, ისე მეორე მხარეს. პარლამენტარები შედარებით თავისუფალი ადამიანები არიან, მათ პოლიტიკურ განცხადებებს მიმდინარე პროცესებზე დადებითი გავლენის მოხდენა შეუძლია".

თამაზ მეჭიაური ფეისბუკის საკუთარ გვერდზე სტუმრებთან გადაღებულ ფოტოსაც აქვეყნებს: