ირანში ფეხბურთის ქალ გულშემატკივრებს უფლება მიეცათ საკუთარი ნაკრებისთვის ეროვნული სტადიონიდან ეგულშემატკივრად. მათ ეს უფლება 1979 წლის ისლამური რევოლუციის შემდეგ ჰქონდათ წართმეული.

ამ ტრადიციის დარღვევის მიზეზი ის გახდა, რომ ირანი მსოფლიო ჩემპიონატზე მოხვდა და გუშინ შეხვედრას ესპანეთის წინააღმდეგ მართავდა.

ყველაფერი კი იმით დაიწყო, რომ სამშაბათს გავრცელდა ინფორმაცია, ყველას, და ცხადია, მათ შორის ქალებსაც, მატჩის ხილვა თეირანში, აზადის სტადიონიდან შეეძლებოდა. თუმცა, მატჩის დაწყებამდე რამდენიმე საათით ადრე ხელისუფლების წარმომადგენლებმა ღონისძიების გაუქმება სცადეს:

"აზადის სტადიონზე ესპანეთისა და ირანის მატჩის ტრანსლირება ინფრასტრუქტურული სირთულეების გამო ვერ მოხდება".

ამას მოქალაქეთა მხრიდან წინააღმდეგობა მოყვა, რის შემდეგაც პოლიციამ და მთავრობამ პოზიცია დათმო. სტადიონზე კაცი და ქალი გულშემატკივრები ერთად შევიდნენ.

"თუ ჩვენ ეს ერთხელ გავაკეთეთ... შეგვიძლია, რომ მეტიც მოვითხოვოთ. ამის ძალიან, ძალიან დიდი იმედი მაქვს", - აღნიშნა ირანელმა ჟურნალისტმა.

ფოტო: Bleacher Report

გაიგე მეტი:

რამოსი ირანელ ქალ გულშემატკივრებზე: დღეს მათი გამარჯვების დღე იყო