პრემიერ-მინისტრობის კანდიდატის, მამუკა ბახტაძის განცხადებით, შემდეგი თვიდან მეხანძრე-მაშველებს ხელფასები გაეზრდებათ. ამის შესახებ ბახტაძემ საპარლამენტო უმრავლესობის სხდომაზე განაცხადა.

"ეს არის ადამიანების ის ჯგუფი, რომელიც 24 საათი დგას სადარაჯოზე და ახდენს ძალიან მნიშვნელოვანი რისკების პრევენციას ჩვენი ქვეყნისთვის და შესაბამისად, რა რესურსიც ახლა გამოვძებნეთ, ჩვენ ვაპირებთ და შემდეგი თვიდან მეხანძრეებს ხელფასები გაეზრდებათ", - განაცხადა ბახტაძემ.

ბახტაძეს არ დაუკონკრეტებია რამდენით გაეზრდებათ მეხანძრეებს ხელფასი.

გარდა მეხანძრეებისა, პირველი ივლისიდან 13 200 პოლიციელს 250 ლარით გაეზრდებათ ხელფასები. ამის შესახებ შინაგან საქმეთა მინისტრმა გიორგი გახარიამ, დღეს, 19 ივნისს, გაერთიანებული კომიტეტების სხდომაზე განაცხადა.

დღეს, 19 ივნისს პარლამენტში გაერთიანებული კომიტეტების სხდომაზე მინისტრობის კანდიდატებს უსმენენ.