პრემიერ-მინისტრობის კანდიდატის, მამუკა ბახტაძის თქმით, საგადასახადო და საბაჟო კოდექსები ვეღარ პასუხობს იმ გამოწვევებს და მოლოდინებს, რომელიც დღეს საზოგადოებაში არის.

"ის არის მოძველებული, შესაბამისად ჩემი ინიციატივაა, რომ ღია პლატფორმაზე, საჯარო სექტორთან ერთად შევქმნათ ახალი საბაჟო და საგადასახადო კოდექსი."

საქართველოს საბაჟო კოდექსში ბოლო ცვლილება 2010 წლის 12 ივლისს შევიდა. საქართველოს საგადასახადო კოდექსში კი 2018 წლის 30 მაისს.

გაერთიანებული კომიტეტების სხდომაზე პრემიერობის კანდიდატმა, მამუკა ბახტაძემ ისაუბრა იმაზეც, რომ ეკონომიკაში თითოეული აქტივი უნდა მონაწილეობდეს, ამიტომ აქვს ინიციატივა ყველა გადამხდლეს ჩამოეწეროს 2013 წლის პირველ იანვრამდე არსებული საგადასახადო დავალიანებები.

დღეს, 19 ივნისს პარლამენტში გაერთიანებული კომიტეტების სხდომაზე მინისტრობის კანდიდატებს უსმენენ.