გიორგი კვირიკაშვილმა გადადგომის შესახებ საუბრისას განაცხადა, რომ მმართველ გუნდთან აზრთა სხვადასხვაობა აქვს და ისინი მისი მთავრობის მეთაურობით გატარებულ ეკონომიკურ პოლიტიკას არ ეთანხმებიან:

"როგორც იცით გუშინ გაიმართა მმართველი პოლიტიკური ძალის შეხვედრა, რომლის შემდეგ გაკეთდა ასევე საჯარო განცხადებები. გამოიკვეთა ჩემსა და მმართველ გუნდს შორის გარკვეული მიმართულებებით აზრთა სხვადასხვაობა კონკრეტულად საუბარი იყო ჩემი მეთაურობით მთავრობის მიერ გატარებულ ეკონომიკურ პოლიტიკასთან დაკავშრებით. ასევე მინდა აღვნისნო, რომ ბოლო თვეების განმავლობაში განსაკუთრებულად იყო რიგი ფუნდამენტური საკითხებისა, რომლებშიც გვქონდა პარტიის თავმჯდომარესთან განსხვავებული მოსაზრებები და პოლიციები. ეს ნორმალური პროცესია 2012 წლიდან მოყოლებული ჯერ კიდევ მინისტრობის პერიოდშიც არასდროდეს არ მოვრიდებივარ პოლემიკას და ვფიქრობ დღეს არის ის მომენტი, როდესაც პარტიის თავმდჯომარეს უნდა მიეცეს თავმჯდომარეს გუნდი დააკომპლექტოს იმ შეხედულებებიდან გამომდინარე, რომელიც მას გააჩნია."

გიორგი კვირიკაშვილმა პრემიერ-მინისტრის თანამდებობა რამდენიმე წუთის წინ დატოვა. კვირიკაშვილის გადადგომასთან ერთად გადაყენებულად მიიჩნევა საქართველოს მთავრობა. შესაბამისად, მათ პარლამენტმა ნდობა ხელახლა უნდა გამოუცხადოს.

ბოლო ერთი თვის განმავლობაში საქართველოში 10-მდე აქცია ჩატარდა. ყველა შემთხვევაში ისმოდა მთავრობის გადადგომის მოთხოვნა.

მანამდე გიორგი კვირიკაშვილმა განაცხადა, როგორც კი დარწმუნდება, რომ მისი გადადგომა "ქვეყანას წაადგება", თანამდებობას დატოვებს.

გაიგეთ მეტი: რა ხდება პრემიერ-მინისტრის გადადგომის შემდეგ