საპატრულო პოლიციამ რუსთაველის გამზირზე, სავალ ნაწილზე განთავსებული კარვების დაშლა დაიწყო. საპატრულო პოლიციის დეპარტამენტის უფროსის თეიმურაზ კუპატაძის განცხადებით, კარვები გზის სავალ ნაწილზე აფერხებს მოძრაობას და საჭიროა მისი ტროტუარზე გადატანა.

ერთი კარავი უკვე გადატანილია. პროცესი დაპირისპირების გარეშე მიმდინარეობს.

დაახლოებით ერთი საათის წინ, პარლამენტის წინ მდგომარეობა დაიძაბა, იყო დაპირისპირება და სიტყვიერი შეურაცხყოფა პოლიციასა და აქციის მონაწილეებს შორის. ჟურნალისტების ინფორმაციით, დაკავებულია ხუთი პირი, ხოლო საპატრულო პოლიციის დეპარტამენტის უფროსის თქმით, აქციაზე ადმინისტრაციული წესით სამი პირი დააკავეს. თუმცა მისი თქმით, დაუზუსტებელ ინფორმაციას ფლობს.