საქართველოს პრეზიდენტის, გიორგი მარგველაშვილის განცხადებით, მას არ აქვს განცდა, რომ პრემიერ-მინისტრი უნდა გადადგეს.

პრეზიდენტს იმედი მაქვს, რომ გიორგი კვირიკაშვილი ვითარების სირთულეს გაიაზრებს და ადეკვატურად იმოქმედებს.

"პირველი პასუხი ამაზე(სოლიდარობის აქციების ზაზა სარალიძის მხარდასაჭერად) იყო პროპაგანდის მეშვეობით პროცესის დისკრედიტაცია. ჩემთვის ეს ახალი არ არის, ბოლო 5 წელია ჩემი ყოველდღიური ცხოვრება არის იმის ნახვა, თუ რა პროპაგანდას მიმზადებს ადამიანი", - განაცხადა გიორგი მარგველაშვილმა ტოკ-შოუ პირველებში.

მისი თქმით, ფეიკ-ნიუსით, ტროლებით, ჭორების გაშვებით შექმნილი ილუზია, რომ პროცესებს გააჩერებენ, არის ძალიან გამოუცდელი პოლიტიკოსების ილუზია.

"როდესაც პოლიტიკური პროცესი არის მომწიფებული, რომ საზოგადოებას ნდობა აღარ აქვს, შენ ამ პროცესს ფეისბუკის ფეიკით ვერ გააჩერებ", - განაცხადა საქართველოს პრეზიდენტმა ბოლო დროს მიმდინარე პროცესების შეფასებისას.