სიდას ყოფილი დირექტორი, ზვიად დევდარიანი, პატივისა და ღირსების შელახვისთვის სასამართლოს მიმართავს. დევდარიანი უჩივის იმ ქალებს, ვინც მას სექსუალურ შევიწროებაში ადანაშაულებენ.

დევდარიანი ასევე შინაგან საქმეთა სამინისტროსაც მიმართავს და მოითხოვს ადევნების მუხლით დაწყებული გამოძიება შეწყდეს.

დევდარიანის ადვოკატის, დიმიტრი გაბუნიას თქმით, ეს ქალები არიან იმ ჯგუფის წევრები, ვინც დაგეგმა საზ. მაუს ბორდში თავისი კანდიდატურის გაყვანა.

"ამ ეტაპზე ძალიან მინდა, რომ დავასახელო ეს პირები. მე შემიძლია დავაანონსო, იქნება საკმაოდ სკანდალური პროცესი. ისინი არ არიან რიგითი პირები", - განაცხადა დევდარიანის ადვოკატმა.

კითხვაზე, შეიძლება თუ არა, რომ ერთ-ერთი იყოს ბაია პატარაია, დევდარიანის ადვოკატმა უპასუხა, რომ არ გამორიცხავს.

"ცალსახად არის მითითებული რამდენიმე მუხლში, ანტიდისკრიმინაციულ კანონმდებლობაში, რომ ამ ტიპის ფაქტი უნდა იყოს გამყარებული შესაბამისი მასალებით და მტკიცებულებებით. ის, რაც ჩვენ აქ ვნახეთ, სამი საჩივარი გადმოგვეცა ორი კვირის წინ რეალურად არის ჭორაობა ორ გვერდზე", - განაცხადა დევდარიანმა.

ზვიად დევდარიანი და მისი ადვოკატი სარჩელით თბილისის საქალაქო სასამართლოს 8 ივნისს მიმართავენ. სწორედ 8 ივნისს გახდება ცნობილი ვინ არის ის რვა ქალი, ვისაც ზგვიად დევდარიანი პატივისა და ღირსების შელახვისთვის უჩივის.

17 მარტს ქალთა მოძრაობამ ომბუდსმენის მიერ წარდგენილი სამეურვეო საბჭოს კონკურსის ერთ-ერთი მონაწილე ზვიად დევდარიანი სექსუალურ შევიწროების 10-მდე შემთხვევაში დაადანაშაულა, რის შემდეგაც დევდარიანმა საკუთარი კანდიდატურა მოხსნა.