მოკლული ლევან დადუნაშვილის დედას, აცხადებს, რომ, ხორავას ქუჩაზე მომხდარ ტრაგედიას მხოლოდ დაზარალებულები ჰყავს.

"ეტყობა ძალიან უნდოდათ ეს შედეგი დამნაშავეებს, ისეთი გულმოდგინებით არიან ნამუშევარი ხორავას ქუჩაზე. ვთვლი, რომ ხორავას ტრაგედია არის ტრაგედია და მე ვთვლი, რომ ხორავას ქუჩის ტრაგედიას არ ჰყავს არც დამნაშავე და არც დაზარალებული, ჩვენ ყველანი დაზარალებილები ვართ. ჩვენ დავზარალდით დიდი ბოროტების წინაშე. კარგი იქნება თუ უფროსები გავაკეთებთ ჭკვინურ დასკვნებს რომ აღარ დავზარალდეთ", - აცხადებს ლევან დადუნაშვილის დედა.

მოზარდების მკვლელობის საქმეზე განაჩენი გამოცხადდა. ლევან დადუნაშვილის განზრახ მკვლელობაში დამნაშავედ ცნობილ მოზარდს 10 წელი და 6 თვე მიესაჯა, დავით სარალიძის განზრახ მკვლელობის მცდელობაში ბრალდებულს კი 9 წელი და 9 თვე.

გუშინ, 31 მაისს თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.