საქართველოს კათოლიკოს პატრიარქი ილია მეორე სულთმოფენობის საკვირაო ქადაგების დროს, რუსთავი 2-ისა და ეკლესიის ურთიერთობას გამოეხმაურა. ამის შესახებ ინფორმაცია საზოგადოებრივმა მაუწყებელმა გაავრცელა.

" მინდა გითხრათ, რომ უხეშად არ უნდა შეეხოთ სარწმუნოებას, ქრისტიანობას – ეს არ რჩება დაუსჯელი. ჩვენ ვილოცეთ იმისათვის, რომ ღმერთმა ყველას შეგვინდოს ჩვენი შეცოდებანი. ყველა ადამიანი, რომელიც ცხოვრობს და აღიარებს მართლმადიდებლობას, ჩვენი სულიერი შვილია და ჩვენ ვლოცულობთ თქვენთვის და იმედია, რომ ჩვენს შორის ურთიერთობა გამოსწორდება", – განაცხადა პატრიარქმა.

საქართველოს საპატრიარქომ დღეს, 24 მაისს განცხადება გაავრცელა, რომლითაც სამღვდელოებას მოუწოდა რუსთავი 2-ს ბოიკოტი გამოუცხადონ. ამის მიზეზად საპატრიარქო რელიგიური გრძნობების შეურაცხყოფას ასახელებს.

ამავე მოტივით რუის-ურბნისის მიტროპოლიტმა იობმა, ეკლესიაში ქადაგებისას, გიორგი გაბუნია შეაჩვენა და დაწყევლა.

ამავე თემაზე: