სიმპსონების ფანებმა იციან, რომ მათ საყვარელ ანიმაციურ სერიალში ხშირად უწინასწარმეტყველებიათ, თუ საით მიდის მსოფლიო.

ერთ-ერთი ასეთი ეპიზოდი 2000 წელს ჩაიწერა, რომელშიც ჩანს, რომ დონალდ ტრამპი პრეზიდენტი ხდება და მსოფლიოს მომავალი არც თუ ისე ნათელია.

ეპიზოდში, რომელიც Fox-ის ეთერში 2000 წლის 19 მარტს გავიდა, ბარტ სიმპსონი საკუთარ მომავალს ხედავს. გაზრდილი ბარტი იღბალით დაჯილდოებული ნამდვილად არაა, მისი და ლიზა სიმპსონი კი ამერიკის პირველი ქალი პრეზიდენტი ხდება.

"როგორც იცით, პრეზიდენტ ტრამპისგან მემკვიდრეობით ჩვენ საკმაოდ მწირი ბიუჯეტი დაგვრჩა" - ეუბნება ლიზა თავის თანამშრომლებს, რომელებიც აცნობებენ, რომ ამერიკა ტრამპის პრეზიდენტობამ გააკოტრა.

წარუმატებელი ბარტი და პრეზიდენტი ლიზა 2000 წელს გადაღებულ ეპიზოდში

ამერიკული სატირული ანიმაციური სერიალის ერთ-ერთი სცენარისტი დანი გრინი, რომელმაც 11-ე სეზონის მე-17 ეპიზოდი, სახელად Bart to the Future, შექმნა, ჰოლივუდ რეპორტერთან ამბობს, რომ მისთვის ლოგიკური და მოსალოდნელი იყო ამერიკის ასეთი მომავალი.

"ეს გაფრთხილებასავით იყო. ვხედავდით, რომ ამერიკა ნელნელა წონასწორობას კარგავდა" - ამბობს გრინი ამერიკულ მედია გამომცემლობასთან.

2015 წლის 16 ივნისი, მას შემდეგ, რაც, დონალდ ტრამპმა ამერიკის პრეზიდენტობის კანდიდატად საკუთარი თავი წარადგინა

2015 წლის 7 ივლისი, სიმპსონების მიერ გადაღებული ახალი ეპიზოდი, სადაც დონალდ ტრამპის ექსკალატორზე დაშვების ცნობილი კადრია გაშარჟებული

აღსანიშნავია, რომ ეპიზოდში, სახელად Trumptastic Voyage ტრამპის ხმას, თავად დონალდ ტრამპი ასრულებს

10 შემთხვევა სიმპსონების ისტორიაში, როცა მათ მომავალი იწინასწარმეტყველეს