დღეს, 22 მაისს, დაახლოებით ერთი საათის წინ კასპში სპირტით დატვირთულ სატვირთოს და საავტომობილო ზეთითა და ავტონაწილებით დატვირთული სატვირთო შეეჯახა და ხანძარი გაჩნდა. დაშავებული არავინ არის. ამის შესახებ On.ge-ს საგანგებო სიტუაციების მართვის სამსახურში განუცხადეს.

უწყებაში ამბობენ, რომ ავტომაგისტრალზე მომხდარი ავტოსაგზაო შემთხვევით გაჩენილ ხანძარს ხუთი სახანძრო მანქანა აქრობდა. ხანძარი ამ ეტაპზე უკვე ლიკვიდირებულია. შინაგან საქმეთა სამინისტროს საქმეზე გამოძიება ჯერ არ დაუწყია.