შინაგან საქმეთა მინისტრის მოადგილემ, ნინო ჯავახაძემ კლუბ ბასიანის ერთ-ერთ დამფუძნებელს, ზვიად გელბახიანს უპასუხა და თქვა, რომ კლუბის გახსნის საკითხის პოლიტიკურ პროცესებთან დაკავშირება, არასწორი და უადგილოა.

მინისტრის მოადგლემ აღნიშნა, რომ კლუბ ბასიანში საგამოძიებო მოქმედებები ჯერჯერობით არ დასრულებულა და უცნობია როდის გაიხსნება:

"ორივე კლუში მიმდინარეობს საგამოძიებო მოქმედებები. გალერიში დასრულდა, შესაბამისად, მოიხსნა ლუქი და გადაეცა კანონიერ მფლობელებს. რაც შეეხება ბასიანს, იქაც გრძელდება გამოძიება, დასრულდება და შესაბამის გადაწყვტილებას მივიღებთ ამ შემთხვევაშიც".

ზვიად გელბახიანის თქმით, თუ კლუბის გახსნა კიდევ გადაიდო, გაუმყარდება ეჭვი, რომ ყველაფერს აქვს პოლიტიკური სარჩული. მას მიაჩნია, რომ კლუბის გახსნა იმის გამოა გადადებული, რომ ბასიანი და თეთრი ხმაურის მოძრაობა "სისტემის წინააღმდეგ" ერთად იბრძვიან.

11 მაისს გვიან ღამით შსს-მ სპეცოპერაცია ჩაატარა და ნარკორელიზატორობის ბრალდებით რვა პირი დააკავა. დაკავებულებს შორის კაფე გალერის დაცვის სამსახურის უფროსიც იყო. რამდენიმე საათში კი პოლიცია ბასიანში, კაფე გალერისა და ბლოუ-ბარში შევიდა, კლუბის სტუმრები გარეთ გაიყვანა და შენობების ჩხრეკა დაიწყო.

შინაგან საქმეთა სამინისტრო გავრცელებულ განცხადებაში აღნიშნული იყო, რომ სპეცოპერაციას წინ 3-თვიანი საგამოძიებო მოქმედებები უძღვოდა და მათ ნარკორეალიზების ბრალდებით რვა პირი დააკავეს.

გაიგეთ მეტი:

ბასიანსა და გალერიში ჩატარებული სპეცოპერაციის შედეგები - მოკლედ