სამეფო ქორწილი რომ წლის ერთ-ერთი ყველაზე დიდი მოვლენა იყო, ამას მისი სატელევიზიო რეიტინგიც ადასტურებს.

პრინც ჰარისა და მეგან მარკლის ქორწილს ბევრი პოპულარული ადამიანი ესწრებოდა, მათ შორის იყვნენ ჯორჯ და ამალ კლუნებიც.

ოფიციალურ ცერემონიას, წმინდა გიორგის ტაძარში 800 ადამიანი ესწრებოდა, უკვე არაოფიციალურ მიღებაზე კი მხოლოდ 200 სტუმარი დაპატიჟეს. ამ სიაში მოხვდა კლუნების ოჯახიც.

მიუხედავად იმისა, რომ მათ მოსაწვევი სასექსის ჰერცოგმა და ჰერცოგინიამ თავად გაუგზავნეს, კლუნებს ქორწილის დახურულ წვეულებაზე პოლიცია მაინც არ უშვებდა.

სამართალდამცველებმა ვარსკვლავები 10 წუთის განმავლობაში შეაყოვნეს და კითხვებს უსვამდნენ.

თუმცა, საბოლოოდ ამ ამბავს ბედნიერი დასასრული ჰქონდა და კლუნების ოჯახი სამეფო წვეულებაზე მაინც შეუშვეს.