დღეს, 20 მაისს თბილისის ანძა ცისარტყელის ფერებში განათდა. ცისარტყელის ფერები ლგბტ თემის სიმბოლოა. ამ მიზეზით ლგბტ აქტივისტების ნაწილი ვარაუდობს, რომ ანძა მათი მხარდაჭერის მიზნით განათდა.

"სხვა სიმბოლო არ ვიცი [ცისარტყელის ფერებში]. ადრე ოლიმპიადა იყო და დაახლოებით მსგავს ფერებში განათდა. ახლა არ ვარ დარწმუნებული, რადგან სამი დღე გავიდა", - ამბობს ლგბტ აქტივისტი, გიორგი თაბაგარი.

თბილისის მერიაში On.ge-ს განუმარტეს, რომ ანძის განათების ტესტირება მიმდინარეობს და ცისარტყელის ფერებშიც ამ მიზეზით გაანათეს.

"ანძას აქვს შესაძლებლობა უფრო ფართო, ფლეშ განათებებია ისე დაყენებული, რომ თითქმის ყველა ფერის გამოყენება შეიძლება. ახლა ამ ფერების გამოყენება ხდება. ანუ, რაიმე სიმბოლიკას ანძის განათება არ უკავშირდება", - აცხადებენ თბილისის მერიაში.