შინაგან საქმეთა მინისტრმა, გიორგი გახარიამ განაცხადა, რომ შემაკავებელი ორდერის დარღვევის გამო ადმინისტრაციული პასუხისმგებლობის ნაცვლად სისხლის სამართლებრივი პასუხისმგებლობა დაწესდება.

"ეს არის პრინციპულად მნიშვნელოვანი საკითხი", - განაცხადა გიორგი გახარიამ.

მისივე თქმით, ოჯახში ძალადობის განმეორებით ჩადენისთვის პასუხისმგებლობა გამკაცრდება, რაც უახლოეს პერიოდში განხორციელდება.

შინაგან საქმეთა მინისტრს, გიორგი გახარიას პარლამენტში პლენარულ სხდომაზე დეპუტატები უსმენენ. გახარია სამინისტროში მიმდინარე რეფორმებსა და კლუბებში 12 მაისის სპეცოპერაციაზე ისაუბრა.

მინისტრმა ისაუბრა 2018 წელს უწყების მიერ გაწეული სამუშაოს შედეგების შესახებ და მიმდინარე და დაგეგმილი რეფორმების შესახებ.