კომპანია აიისას დამფუძნებელი, ანანია გაჩეჩილაძე ამბობს, რომ გუშინ, 17 მაისს პოლიციამ ანტიჰომოფობიური აქცია-პერფომანსის გამართვა ჩაუშალა და წვრილმანი ხულიგნობის მოტივით დააკავა. როგორც გაჩეჩილაძემ On.ge-ს უთხრა, ის უკანონოდ გაჩხრიკეს, ტელეფონი წაართვეს და ბრალის წაყენების გარეშე დააკავეს. მისივე თქმით, ბრალდება მხოლოდ რამდენიმე საათის შემდეგ გაიგო.

გაჩეჩილაძე ამბობს, რომ ამის მიზეზი აიისას პერფომანსია, რომელზეც ისინი ლგბტ დროშის ფერებში ჰელიუმით გაბერილი პრეზერვატივების გაშვებას აპირებდნენ. აიისას განცხადებით, გაბერილი პრეზერვატივები უნდა გაეშვათ პარლამენტის წინ, თუმცა 6 საათზე პოლიციელების ჯგუფმა პრეზერვატივების ძებნა დაიწყო.

აიისასში ამბობენ, რომ მას შემდეგ, რაც სასამართლომ ორთითზეწამოცმული პრეზერვატივისთვის 500 ლარით დააჯარიმა, კიდევ ერთხელ დაირღვა მათი ფუნდამენდუტი უფლებები და კონსტიტუციურად გარანტირებული გამოხატვის თავისუფლება.

აიისას ინფორმაციით, სასამართლო ხვალ გაიმართება და საქმეში სახალხო დამცველის აპარატია ჩართული.

On.ge ინფორმაციას შინაგან საქმეთა სამინისტროსთან და სახალხო დამცველის აპარატთან ამოწმებს.