კანცელარიასთან ლგბტ პირთა მხარდამჭერი აქცია დასრულდა. კონტრაქციის წევრებისგან ძალადობის თავიდან ასარიდებლად, აქტივისტები პოლიციელებმა ყვითელი ავტობუსებით უსაფრთხო ადგილას გადაიყვანეს.

აქცის მსვლელობისას კანცელარიასთან ერთი პირი შეიჭრა, რომელიც სიტყვით გამომსვლელს თავს დაესხა და ფიზიკური შეურაცხყოფა მიაყენა. მან დაკავებისას სიტყვიერი შეურაცხყოფა მიაყენა პოლიციელებსაც.

"დღეს აქ უნდა გამართულიყო სხვა აქცია, უნდა ჩატარებულიყო 17 მაისის, როგორც ჰომოფობიასთან და ტრანსფბიასთან ბრძოლის დღე, რომელიც თემს კიდევ ერთხელ წაართვეს, წაართვა საპატრიარქომ, ძალოვანმა უწყებებმა, იმ ადამიანებმა, რომლებსაც მოჰქონდათ ჩვენთან ინფორმაცია, რომ დესტაბილიზაციას ჰქონდა ადგილი", - განაცხადა ლგბტ აქტივისტმა, გიორგი თაბაგარმა.

დღეს, 17 მაისს ჰომოფობიასთან და ტრანსფობიასთან ბრძოლის საერთაშორისო დღეს კანცელარიასთან თანასაწორობის მოძრაობის მიერ ორგანიზებული აქცია უნდა გამართულიყო, თუმცა უსაფრთხოების მოტივით აქცია გაუქმდა. მიუხედავად ამისა, კანცელარიასთან ლგბტ აქტივისტები და მათი მხარდამჭერები მაინც შეიკრიბენ.