ხუთი სხვადასხვა ლოკაციის შემდეგ, ლგბტ აქტივისტები აქციას 112-ის შენობასთან პარტიზანულ აქციას მართავენ.

აქციის წევრები, მოუწოდებენ საქართველოს პარლამენტს და ადამიანის უფლებათა დაცვის კომიტეტს, რომ უზრუნველყოს სიძულვილით მოტივირებულ დანაშაულებზე, ასევე სამართალდამცავი ორგანოების მიერ ჩადენილ გადაცდომებზე ეფექტიანი საპარლამენტო კონტროლი. აქციის მონაწილეები მოუწოდებენ პარლამენტს გადააყენონ სოფო კილაძე, ადამიანის უფლებათა კომიტეტის თავმჯდომარის თანამდებობიდან.

"საქართველოს ნებისმიერ მოქალაქეს უნდა ჰქონდეს განცდა, რომ ადამიანის უფლებათა კომიტეტი უზრუნველყოფს მათი უფლებების დაცვას.

ადამიანის უფლებათა დაცვის კომიტეტის საქმიანობის ამოსავალ წერტილს უნდა წარმოადგენდეს ადამიანის ფუნდამენტური უფლებების, მათ შორის, მოწყვლადი ჯგუფების უფლებების დაცვა და მჭიდრო თანამშრომლობა ადამიანის უფლებათა დაცვის სფეროში მოქმედ არასამთავრობო ორგანიზაციებთან", - განაცხადეს აქტივისტებმა

მიუხედავად იმისა, რომ დღეს კანცელარიასთან დაგეგმილი აქცია "გავიაზროთ 17 მაისი გაუქმდა", ლგბტ აქტივისტები თბილისში სხვადასხვა ლოკაციაზე აქციებს მართავენ. აქციები უკვე გაიმართა შინაგან საქმეთა სამინისტროსთან, ჯანდაცვის სამინისტროსთან, იუსტიციის სამინისტროსთან, განათლების სამინსიტროსთან და ვაკის პარკთან.

ამავე თემაზე: