თეთრი ხმაურის მოძრაობის წევრის, დავით სუბელიანის თქმით, არ აქვს განცდა, რომ საქართველოში ნარკოპოლიტიკასთან დაკავშირებით ძირეული საკითხები შეიცვლება. ამის შესახებ სუბელიანმა შინაგან საქმეთა მინისტრთან შეხვედრის შემდეგ განაცხადა.

"მე არ მაქვს განცდა, რომ რამე წინსვლას მივიღებთ", - თქვა მან.

ამავე მოძრაობის კიდევ ერთი წევრი, ბექა წიქარიშვილი კი ამბობს, რომ ხვალ, 15 მაისს საქართველოს შინაგან საქმეთა მინისტრთან, გიორგი გახარიასთან 12 მაისს კლუბებში ბასიანსა და გალერიში ჩატარებულ სპეცოპერაციაზე ისაუბრებენ. წიქარიშვილმა აღნიშნა, რომ შემდეგი შეხვედრები იქნება უფრო წარმოამდგენლობითი და უფრო მეტი ადამიანი ჩაერთვება.

"ჩვენ არ ვაპირებთ დათმობაზე წასვლას. ჩვენი გუშინდელი დაშლა იყო საჭირო კომპრომისი, დანარჩენი ერთად შეთანხმდება", - აღნიშნა წიქარიშვილმა.