პარლამენტის შენობის წინ აქციის ორგანიზატორებმა 9 აპრილის მემორიალი ყვავილებით შეამკეს. თეთრი ხმაურის მოძრაობის წევრებს სურდათ პატივი მიეგოთ მემორიალისთვის, თუმცა თავდაპირველად კონტრაქციის წევრებმა ამის საშუალებმა მათ არ მისცეს.

ორივე აქციის წარმომადგენლებს შორის პოლიციამ კოორდონი გააკეთა.

ამ ჟესტით აქციის ორგანიზატორებს სურდათ იმ კრიტიკისთვის ეპასუხათ, რაც ფეისბუქზე გავრცელდა. თბილისის პარლამენტის შენობის წინ გამართული აქციის მონაწილეები იმის გამო გააკრიტიკეს, რომ 9 აპრილის მემორიალზე იდგნენ და ელექტრონული მუსიკის ფონზე ცეკვავდნენ.

თეთრი ხმაურის მოძრაობის წევრმა, ბექა წიქარიშვილმა ცოტა ხნის წინ პრესკონფერენცია გამართა და თქვა, რომ მოთხოვნები უცვლელი რჩება და კრიზისიდან გამოსასვლელ გეგმაზე ისაუბრა.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.