ავსტრიის მთავრობა გეგმავს ხელში ჩაიგდოს ნეო ნაცისტების "საკულტო ადგილი", რომლის გაყიდვაზეც მფლობელი უარს ამბობს.

შინაგან საქმეთა მინისტრს იმ სახლის დანგრევა სურს, რომელშიც ჰიტლერი დაიბადა. ქვეყნის მთავრობა კი ცდილობს სახლის მფლობელს საკუთრება ჩამოართვას, რათა ნეო ნაცისტების მიერ ამ ადგილის გაფეტიშების პრევენცია მოახდინოს.

ავსტრიის შსს-ს წარმომადგენლის თქმით, იმის გამო, რომ სახლის მესაკუთრემ შენობის სახელმწიფოსთვის მიყიდვაზე უარი განაცხადა, მთავრობა მიიღებს კანონს, რომელიც საკუთრების სახელმწიფოსთვის გადაცემას გახდის შესაძლებელს.

"გადაწყვეტილება არის აუცილებელი, რადგან რესპუბლიკას სურს, რომ დაიცვას სახლი ნეო ნაცისტებისთვის "საკულტო ადგილად" ქცევისგან. წარსულში აქ ხალხი იკრიბებოდა და სლოგანებს წარმოთქვამდა", - განაცხადა ჟურნალისტებთან შს მინისტრმა, ვოლფგანგ სობოტკამ, - "ჩემი აზრით სახლი უნდა დაინგრეს".

კომისია, რომელმაც სახლის ბედი უნდა გადაწყვიტოს, 12 ადამიანისგან შედგება, მათ შორის არიან პოლიტიკური, ადმინისტრაციული, სამეცნიერო და სამოქალაქო საზოგადოების წარმომადგენლები.