გირჩის ლიდერი ზურა ჯაფარიძე, რომელიც გვიან ღამით პარლამენტთან დააკავეს, უკვე გათავისუფლებულია. მისი თქმით, ბასიანთან და პარლამენტთან განვითარებული მოვლენები წარმოუდგენელი იყო და სახელმწიფოს მხრიდან მსგავს ქმედებას არავინ ელოდა.

"გარდა იმისა, რომ ეს არის თავდასხმა კონკრეტულ ბიზნესსექტორზე, ჩვენ ასევე ვნახეთ ძალის გადამეტების კონკრეტული ფაქტები, როგორ ურტყამდნენ ადამიანებს და როგორ ტენიდნენ მანქანაში, მათ შორის მეც", - განაცხადა ჯაფარიძემ დილით პრესკონფერენციაზე.

მისივე თქმით, ის პასუხისმგებელ პირთან საუბარს ითხოვდა, რის გამოც "ჰაერში აწიეს" და პოლიციის განყოფილებაში წაიყვანეს.

"თუ ვინმეს ილუზიები ჰქონდა, რომ ამ ქვეყანაში ნარკოპოლიტიკა შეიცვლება, ეს ილუზია აღარავის აღარ აქვს".

ბასიანთან და კაფე გალერისთან ჩატარებული სპეცოპერაციის შესახებ დეტალურად წაიკითხეთ აქ.