საერთაშორისო გამჭვირვალობა - საქართველოს კვლევის მიხედვით, საქართველოს მოსახლეობის თითქმის მესამედი, 30 პროცენტი მიიჩნევს, რომ "არაფერი გვეშველება". ორგანიზაცია კვლევის პრეზენტაციას ამ წუთებში მართავს.

საველე სამუშაოების დროს ადამიანებს დაუსვეს კითხვა: "თქვენი აზრით, გვეშველება თუ არა რამე?". ამ კითხვას დადებითი პასუხი გასცა გამოკითხულთა 59-მა პროცენტმა.

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა ჩაატარა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.