საერთაშორისო გამჭვირვალობა - საქართველომ გამოაქვეყნა კვლევა რომლის თანახმადაც, გამოკითხულთა 44%-ს მიაჩნია, რომ გიორგი მარგველაშვილმა, ექსპრეზიდენტი მიხეილ სააკაშვილი უნდა შეიწყალოს.

გამოკითხულთა 38% მიიჩნევს, რომ მარგველაშვილმა სააკაშვილი არ უნდა შეიწყალოს, ხოლო 18 პროცენტს კითხვაზე პასუხი არ აქვს.

ფოტო: საერთაშორისო გამჭვირვალობა - საქართველო

ამავე კვლევის მიხედვით, გამოკითხულთა 43 %-ს მიაჩნია რომ სასამართლო გადაწყვეტილება არასამართლიანი იყო მიხეილ სააკაშვილის მიმართ. ვანო მერაბიშვილის შემთხვევაში საამართლო გადაწყეტილებას არასამართლიანად მიიჩნევს 53%, ბაჩო ახალაიას საქმეზე კი 58 %.

ფოტო: საერთაშორისო გამჭვირვალობა - საქართველო

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა ჩაატარა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.