გერმანული ტანსაცმლის ბრენდი Adidas, რომელიც 1949 წლიდან მოყოლებული დღემდე სპორტულ ფეხსაცმელსა და ტანსაცმელს აწარმოებს, კრიტიკის ობიექტი გახდა.

საქმე ის არის, რომ Adidas-მა სპორტული ტანსაცმლის ახალი ხაზი გამოუშვა, რომელზეც საბჭოთა სიმბოლიკა არის გამოსახული.

მაგალითად, ქალის წითელ მაისურს, რომელიც დღემდე ონლაინ გაყიდვაშია და $90 ღირს, წარწერა "USSR" და საბჭოთა კავშირის გერბი ამშვენებს.

ცნობილი ბრენდის ასეთმა გადაწყვეტილებამ ლიტვაში აღშფოთება გამოიწვია და ქვეყნის საგარეო საქმეთა სამინისტრომ ტვიტერზე საკუთარი პოზიცია მწვავე ფორმით დააფიქსირა.

„იმპერიის ნოსტალგია" - ასე აფასებენ სამინისტროს ოფიციალურ გვერდზე Adidas-ის გვერდიდან გაზიარებულ ფოტოს, რომელიც ცნობილი ბრენდის პროვოკაციულ კოლექციას ასახავს.

მინისტრის განცხადებით კი ეს ნაბიჯი საბჭოთა ტოტალიტარული სისტემის მსხვერპლების მიმართ დიდ უპატივცემულობას აჩვენებს.

პროტესტის შედეგად ადიდასის ახალი სპორტული ტანსაცმელი ლიტვაში აღარ გაიყიდება.

აღსანიშნავია ისიც, რომ საბჭთა სიმბოლოკიანი ტანსაცმლის გამოჩენას, უკრაინაშიც დიდი უკმაყოფილება მოჰყვა.