ეკონომიკის მინისტრის მოადგილის, გიორგი ჩიქოვანის განცხადებით, სამინისტრო განახლებადი ენერგიების სფეროში ტესლასთან თანამშრომლობასა და ილონ მასკის საქართველოში მოწვევას გეგმავს. ამის შესახებ მან ტვ პირველის ეთერში, გადაცემა საქმის კურსში ისაუბრა:

"ილონ მასკი დაინტერესებულია ახალი ტექნოლოგიების არა მარტო ამერიკაში არამედ სხვადასხვა ქვეყნებში დანერგვით. გვაქვს ინტენსიური მოლაპარაკებები და გვინდა, დავპატიჟოთ საქართველოში. მაისის ბოლოს პირველი შეხვედრა შედგება მათ წარმომადგენელთან. ჩვენი მთავარი ინტერესი არის ის, რომ გავიგოთ, რა ინერგება მათთან და რისი შემოთავაზება შეუძლიათ ჩვენი ქვეყნისთვის, რომ ხელი შევუწყოთ განახლებადობის დანერგვას".