თბილისში მტკვრის მარცხენა სანაპიროზე მომხდარ ავარიას ერთი ადამიანის სიცოცხლე ემსხვერპლა, დაშავებულია ორი ადამიანი. შსს-ს ინფორმაციით, ერთმანეთს ორი მსუბუქი ავტომობილი შეეჯახა.

როგორც On.ge-ს შსს-ში განუცხადეს, გამოძიება დაწყებულია სისხლის სამართლის კოდექსის 276 მუხლის მეხუთე ნაწილით. აღნიშნული მუხლი გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.