ამერიკელმა ხელოვანმა დონალდ გლოვერმა, იგივე Childish Gambino-მ, ახალი სიმღერა და კლიპი This Is America გამოუშვა, რომელიც ამერიკაში იარაღის კონტროლის თემას ეხმიანება.

სიურეალისტური ვიდეო რეჟისორმა ჰირო მიურაიმ გადაიღო, რომელშიც ამერიკა რამდენიმე ნაწილად იყოფა. ესაა ერთდროულად მხიარულებისა და სისასტიკის ადგილი, სადაც ცეკვავენ, მღერიან, იარაღს კი არავინ აკონტროლებს და ამას უამრავი ადამიანი ეწირება.

ვიდეოში უამრავი ალეგორიაა გამოყენებული. კლიპი სასიამოვნოდ იწყება, მსუბუქი მელოდიისა და უდარდელი სიმღერის ფონზე, თუმცა ამ განწყობას მოულოდნელი გასროლა ცვლის.

უკანა ფონზე ჩნდებიან მეამბოხეები, შემდეგ კი ბედნიერი მოცეკვავეები. უნიფორმებში გამოწყობილი არცერთი მოცეკვავე იმჩნევს მათ გარშემო არსებულ ძალადობას - ან უბრალოდ, ამ უგულებელყოფის სტრატეგიით ცდილობს მძიმე რეალობისგან თავის შორს დაჭერას და თავის გადარჩენას.

იმასთან ერთად, რომ ახალი კლიპი გავირუსებულია და მას უკვე 15 მლიონზე მეტი ნახვა აქვს, Forbes-ის ცნობით, მშობლების ნაწილი მიიჩნევს, რომ ბავშვებმა ის არ უნდა ნახონ.