SpaceX-მა მეორედ შეძლო მრავალჯერადი რაკეტის, Falcon 9-ის, წარმატებულად დასმა. რაკეტა გუშინ Cape Canaveral-იდან გაუშვეს და აფრენიდან მოკლე ხანში SpaceX-ის დასაჯდომ კომპლექსში დაფრინდა.

ეს მეხუთე შემთხვევაა, როცა კომპანიამ თავისი წარმოებული რაკეტა დედამიწაზე დაზიანების გარეშე დააბრუნა. თუმცა, აქამდე არც ერთი Falcon 9 მეორედ არ გამოუყენებიათ. მრავალჯერადი რაკეტის მეორედ გაფრენისა და დაბრუნების ექსპერიმენტი შემოდგომაზე იგეგმება.

რაკეტის გამოცდიდან რამდენიმე წუთის შემდეგ კომპანიამ თავისი კოსმოსური ხომალდი Dragon გაუშვა ორბიტაზე, რომელიც ამ კვირის ბოლოს საერთაშორისო კოსმოსურ სადგურზე 2 ტონამდე ტვირთს მიიტანს.